Operetturnar

Mozart søgukrókur 2025

Næst á skránni hjá Operettunum er “Gandafloytan” eftir Mozart.

Birita Adela fer at lesa søguna, meðan Operetturnar syngja og spæla.

Vit hitta prinsin Tamino, prinsessuna Paminu, Fuglafangaran Papageno, fuglagentuna Papagenu, Náttardrotningina, tær tríggjar damurnar, og so hoyra vit teir mongu kendu sangirnar við føroyskum týðingum.

Operetturnar 2025

“Operetturnar” er heitið á nýggja barna-leikbólkinum hjá Opera.fo, sum undir leiðslu av Biritu Adelu Davidsen, setur upp pixioperur, operur i miniformati.

Leikbólkurin er skipaður av ungum áhugaleikarum í aldrinum 9-12 ár, sum bæði hava áhuga í sangi, sjónleiki og dansi.

Operetturnar 2025 ganga allar í skúlanum við Skúlatrøð í Klaksvík.

“HEvur tú sæð carmen?” 2025

Fyrsta verkætlanin við Operettunum var pixi-operan “Hevur tú sæð Carmen?”, sum Birita Adela við íblástri úr Carmen eftir Bizet, skrivaði og leikstjórnaði.

Sýningin var í januar-februar 2025 á Tjóðpalli Føroya og í Varpinum í Klaksvík, og varð hon sera væl móttikin:

“Meðan vindurin leikaði í uttanfyri, sótu vit rúnarbundnar undir hvørjum orði, hvørjari rørslu og hvørjum tóna, tá so inniligar og sjarmerandi operettur gjørdu pallin livandi við sjónleiki og ljóðførum, sangi og dansi. Og hóast ungar, so havi eg sjáldan upplivað ein so hugtakandi stemning sum hesa løtuna í Varpinum.”

- Ragnhild Ellingsgaard, 3. feb. 2025