Verkætlanir
NÆST Á SKRÁNNI:
HEVUR TÚ SÆÐ CARMEN?
Ein pixi-opera fyri børn, við íblástri úr Carmen hjá franska tónaskaldinum Georges Bizet.
Hugskot og handrit eigur Birita Adela Davidsen, sum eisini leikstjórnar. Á pallinum er gentu-leikbólkurin hjá Opera.fo, "Operetturnar", saman við dugnaligum barnakórum úr Havn og Klaksvík.
Sýningar verða á Tjóðpalli Føroya 17.-18. januar og í Varpinum 1.-2. februar 2025
Atgongumerki verða sett til sølu í næstum.
PAPAGENO OG GANDADRYKKURIN 2024
Við íblástri úr kendu operuni “Gandafloytan” eftir Mozart, hevur Birita Adela Davidsen tillagað søguna og sangirnar til eina samvirkna ævintýra-skattajakt.
Prinsurin Tamino er bitin av eini risaslangu og bert ein gandadrykkur frá Gandakellingini kann bjarga honum. Gandakellingin manglar tó tilfar, og tí noyðist Papageno inn í vandamikla Gandaskógin at finna allar lutirnar - og honum tørvar tykkara hjálp!
Mentanarhúsið Varpið, okt. 2024
Gandafloytan - fyri børn 2022
Prinsurin Tamino, prinsessan Pamina, fuglafangarin Papageno, fuglagentan Papagena, tey trý gátuføru børnini, Náttardrotningin, tær tríggjar damurnar, Monostatos, prestarnir og Høvuðspresturin í Vísdómstemplinum, Sarastro.
Øll hesi hitta vit í navnframu Gandafloytuni hjá Mozart, sum verður frumframførd sum barnaopera, við børnum, og fyri børnum, á Tjóðpalli Føroya 1. apríl 2022.
Soirée fantastiquE 2020
Soirée Fantastique – ein klassisk teaturkonsert í samstarvi við Tjóðpall Føroya.
Einføld og stílfull framførsla við útvaldum brellbitum úr operaheiminum, har ariur og duettir, klavertónleikur og tekstur verða flættað saman.
Dagbókin hjá Leporello 2018
"Dagbókin hjá Leporello" er ein kamaropera-versjón av væl kendu og væl dámdu operuni hjá Mozart, Don Giovanni. Føroyska versjónin av Don Giovanni er við íblástri úr operaleikinum „Leporellos Tagebücher“ eftir Fabian Dobler.
Konsertir o.a.
BEL CANTO - klassisk konsert 2023
Sangarar frá Opera.fo framføra ariur og duettir úr kendu italsku operunum La Traviata, Rigoletto og Don Pasquale.
Norðurlandahúsið 18. august 2023
Mentanarhúsið í Fuglafirði 20. august 2023
sangskeið við douglas yates
Opera.fo skipar fyri afturvendandi sangskeiði við operasangaranum Douglas Yates.
Skeiðini innibera bæði eina-sangtímar og masterclasses, og eru væl egnað til øll ið ynskja at betra sín sangteknikk, bæði kórsangarar og solistar.